“KUN MAVZUSI” ko‘rsatuvining navbatdagi soni madaniyat va san’at sohasida amalga oshirilayotgan islohotlarga bag'ishlandi

16 Sep, 2026 - 09:15
93
“KUN MAVZUSI” ko‘rsatuvining navbatdagi soni madaniyat va san’at sohasida amalga oshirilayotgan islohotlarga bag'ishlandi

ko'rsatuv

Jizzax viloyat teleradiokompaniyasi “KUN MAVZUSI” ko‘rsatuvining navbatdagi sonida O‘zbekiston Respublikasi Prezidentining 2026-yil 2-iyundagi PF-103-son Farmoni doirasida madaniyat va san’at sohasida amalga oshirilayotgan islohotlar, yaratilayotgan yangi imkoniyatlar hamda belgilangan vazifalar yuzasidan suhbat tashkil etildi.

Ko‘rsatuvda Sh.Rashidov tumani 8-son Bolalar musiqa va san’at maktabi direktori Otamurod Xolmirzayev ishtirok etib, mazkur Farmonning mazmun-mohiyati, sohada yaratilayotgan yangi imkoniyatlar, ijodkorlar va madaniyat sohasi vakillarini qo‘llab-quvvatlashga qaratilgan chora-tadbirlar haqida ma’lumot berdi.

Shuningdek, Farmonda nazarda tutilgan soliq imtiyozlari, madaniyat va san’at sohasini rivojlantirish uchun yaratilayotgan qulay shart-sharoitlar hamda xalqaro va respublika miqyosidagi tanlovlarda yuqori natijalarga erishgan g‘oliblarni moddiy rag‘batlantirish, ularga pul mukofotlari berilishi kabi muhim jihatlarga alohida to‘xtalib o‘tildi. 

🇺🇿 Mazkur islohotlar madaniyat va san’at sohasini yanada rivojlantirish, yosh iste’dodlarni qo‘llab-quvvatlash, ijodkorlar uchun yangi imkoniyatlar yaratish hamda ularning mehnatini munosib rag‘batlantirishga xizmat qilmoqda.

Suhbat jarayonlarini YouTube sahifasida tomosha qilish👉 https://youtu.be/1bsTWfDDXwQ
Suhbat jarayonlarini Telegram sahifasida tomosha qilish 👉https://t.me/jizzax_madaniyat/45299

Jizzax viloyati
Madaniyat boshqarmasi
matbuot xizmati

Jizzax viloyat madaniyat boshqarmasi

Rasmiy sahifa



Biz bilan aloqa

Topilgan xatoni izohlash